ERMUAN ERREFUSA ETA ORGANIKOA GAIKA BILTZEKO TXARTELDUN EDUKIONTZI BERRIAK

Apirilaren amaieratik aurrera, materia organikoa eta errefusa biltzeko, txartel bidez irekitzen diren bi edukiontzi berri jarriko dira.

Txartel bidez irekitzen den edukiontzi marroiak, egun metalezko giltza bidez irekitzen den edukiontzia ordezkatuko du eta errefusa jasotzeko edukiontzi gris berriak berriz edukiontzi berdea.

Egun materia organikoaren gaikako bilketan parte hartu eta metalezko giltza duten etxebizitzei eskutitz bidez igorriko zaie edukiontzi marroia eta grisa irekitzeko txartela.

 

Edukiontzi marroia irekitzeko metalezko giltza ez duten etxebizitzak ordea, eskutitzarekin batera igorriko den inprimakia beteta eraman beharko dute informazio bulegora (tasaren titularraren datuekin). Bertan organikorako beharrezkoa den kit-a (edukiontzia eta poltsa konpostagarriak) eta edukiontzi marroia eta grisa irekitzeko balio duen txartela jasotzeko.

 

UDALERRIA DATA KOKAPENA ORDUTEGIA
Ermua Apirilaren 24tik maiatzaren 8ra (biak barne) Erdikokale, 5 (Casa Lucre) Astelehenetik ostiralera 9:30 – 14:30 y 15:30 – 19:30

Larunbata 9:00 – 14:00

Kaixo, Txartela!!

TXARTEL BIDEZ IREKITZEN DIREN EDUKIONTZIAK

 

Edukiontzi marroia (organikoa) eta edukiontzi grisa (errefusa) irekitzeko, Mankomunitatearen txartela beharko da, mugarik gabe bi edukiontziak irekitzeko balioko duena (behar denean bi edukiontziak erabili daitezke).

Txartela ez duten herritarrak (hau da, materia organikoaren gaikako bilketan izena emanda EZ zutenak), informazio puntuetatik pasa beharko dira sistema berrian normaltasunez parte hartzeko txartela, poltsa konpostagarriak eta aireztatutako ontzia osatzen duten birziklatzeko kitaren bila.

Mankomunitateko udalerri ezberdinetan jarriko diren informazio puntuak ondorengo datetan egongo dira martxan:

Udalerria Datak Tokia Ordutegia
Eibar 2017ko azaroaren 24tik abenduaren 5 arte  Portalea, Bista-eder, 10. 4º soilarua. Astelehenetik ostiralera 11:00etatik 20:00etara – Larunbatetan 9:00tatik 14:00etara
Soraluze 2017ko abenduaren 11etik 21era Udaletxea
Elgoibar 2018ko urtarrilaren 8tik 18ra Kultur Etxea
Mallabia 2018ko urtarrilaren 19tik 24era Zurrutokia (Kultur Etxea)
Mendaro 2018ko urtarrilaren 25etik 30era  “Lagunbetikoak” jubilatuen ondoko lokala
Ermua 2018ko apirilaren 24tik maiatzaren 8ra (biak barne) Erdikokale, 5

(Casa Lucre)

Astelehenetik ostiralera 9:30etatik 14:30etara eta 15:30etatik 19:30etara- Larunbatetan 9:00etatik 14:00etara
GARRANTZITSUA!!!

Txartel elektroniko gabe ezin izango da errefusaren edukiontzia erabili, horregatik beharrezkoa da txartelik ez duten herritarrak informazio bulegotik pasatzea txartela jasotzera.

Gainontzeko gaikako bilketarako erabiltzen diren edukiontziak (beira, ontzi arinak eta papera eta kartoia) irekita jarraituko dute egun bezala.